Дэлхийн шилдэг бизнесменүүд

  
  Гэмтэй гэмээр нэг зантай би. Хичээлүүдийн шалгалтын яг өмнө нь хичээлээс гадуурх өөрийн сонирхосон сэдэвтэй номыг уншдаг. Ингэснээрээ шалгалтандаа бэлдэх хамаг цагаа үрдэг. Гэхдээ л үүнээсээ би kaif авдаг.

Би диплом бичиж байгаа. Энэ удаад ч бас түүх давтагдав. Дэлхийн шилдэг бизнесменүүд. Хэрэв та энэ номыг уншаагүй бол нэг уншаарай. Хэрэв та уншсан бол сэдгэгдлээ надтай хуваалцаарай. Үүнд блогыг нээсний утга учир оршино. Таны сэтгэгдэл надад сонирхолтой байх болно.
       Өөрт таалагдсан хэсгүүдийг түүж орууллаа. Мэдээж би зохиогчоос ямар нэгэн зөвшөөрөл огт аваагүй. Учир нь би энэ тухай сайн мэддэггүй.

 Тадао Касио Kashio Tadao

Менежментийн тухай Касио жинхэнэ япон хүн шиг ярьдаг байлаа. Компанийг гэр бүлээрээ удирдах ёстой бөгөөд гишүүн бүр нь пүүсийн бусад ажилтнуудаас илүү эрхэлж буй албан тушаалдаа тэнцэх ёстой гэж тэрбээр үзэв. Үүний тулд зөв хүмүүжсэн байх ёстой аж. Хөгжин цэцэглэхийн тулд туршлагадаа дүн шинжилгээ хийн алдаагаа давтахгүй байх нь чухал. Амжилт гагцхүү байнгын нөр их хөдөлмөрийн дүнд ирэх бөгөөд урьд өмнийн амжилтууд хэрэглэгчийг огтхон ч сонирхохгүй, түүнд чухам өнөөдрийн ололтууд хэрэгтэй гэдгийг ойлго гэж Тадао өгүүлж байв. Тийм учраас компанид хэд хэдэн бие даасан зохион бүтээх товчоо ажиллан 1-3, 3-5 жилийн гэх мэтчилэн төлөвлөгөөт хөтөлбөрүүд боловсруулж байлаа.

Лео Кирх

Кино прокатаар амжилт олсон бизнесмэн залуу кинонуудаа телевиз компаниудад боломжыг үнээр санал болгожээ. Телевизийн компаниуд зөвшөөрөн саналыг нь хүлээн авсан ч дараа дараагийн удаа киног дэлгэцээр гаргах бүрд Лео тэднээс дахиад л мөнгө нэхдэг байв. Тэр үед телевизэд киног хэд хэдэн удаа үзүүлж болно гэж хэн ч төсөөлгүй аж.

Рэй Крок Ray Kroc

Аль 1954 онд Крок зоогийн газрын бизнесийг үл хөдлөх хөрөнгөтэй яаж хослуулах вэ гэдгийг нээж олсон байна. “Халаасандаа юу ч үгүй хоосон байж аажим аажмаар "Макдоналдс"-уудын баригдсан барилгуудыг тэдгээрийн байрлаж буй газартай нь гартаа оруулахад түүний санаа оршив. Эхлээд газрын эздийг хоолны газруудад түрээслүүлэхээр газраа өгөхийг ятгах хэрэгтэй байлаа. Үүнийг хийхэд тийм ч амаргүй байв. Түргэн хоолны газрууд ихэвчлэн баригддаг байсан хотын захын хэсгүүдэд замын хажууд сул хоосон хэсгүүд олон байсан аж. Гэвч тэдгээрийг шатахуун түгээх газруудын эзэд эзлэхээр яарч байлаа. Тэгтэл Рэй шатахуун түгээх газрууд төлж байсан шиг газар болон барилгын үнэ өртгөөс долоон хувийг нь жилд өгөх биш, харин 10 хувьтай тэнцэх түрээсийн төлбөрийг санал болгов. Баярласан газрын эзэд өөрсдөө "Макдоналдс"-ын байшинг барихад шаардлагатай зээлийг авч байлаа. Газрын эзэд яаж ч шаардаад зоогийн газрын орлогоос хувь авч чаддаггүйд хамаг арга, заль мэх оршиж байсан юм. Тэд тодорхой заагдсан хөлсийг 20 жилийн хугацаа бүхий гэрээ ёсоор авч байсан юм. Сард 700 доллар авна гэдэг газрын эздэд эхэндээ их мөнгө санагджээ. Гэвч 1960-аад онуудын эцэст үл хөдлөх хөрөнгийн үнэ ханш харьцангуй нэмэгдэж эхлэхэд тэд ёстой галзуурах дөхөж байсан гэдэг. 700 доллараар барилга бүхий газрыг түрээслэн аваад Крок түүнийг зоогийн газрын эзэнд нэг мянган доллараар түрээслүүлж эхлэв. Түрээслэгч баяжаад ирэнгүүт түүнийг орлогоосоо таваас 8.5 хувийг өгөхийг санал болгож эхэлжээ. Дараагийн үе шат бол барилгыг газартай нь зээлээр авах явдал юм. "Макдоналдс"-ын үл хөдлөх хөрөнгийн төлөө зоогийн газрын эзэд төлбөр хийж байгаагаа мэддэггүй байв. Франшизаг худалдан авахдаа түрээслэгч /эзэн/ 10-15 мянган долларыг 20 жилийн хугацаатай банкинд хийх ёстой байлаа. 15 жилийн дараа энэ мөнгөний талыг түүнд эргүүлж өгөөд 20 жилийн дараа хоёр дахь хэсгийг нь олгож эхлэв. Мэдээж хэрэг, ямар ч хүү бодогдохгүй аж. Чухам энэ л мөнгийг л Крок газрын эздийн дансанд эхний хураамж маягаар хийдэг байжээ.

Эсти Лаудер Est[e]e lauder

Их дэлгүүрийн гоо сайхны тасагт хээнцар нэгэн эмэгтэй орж ирэн гар цүнхээ онгойлгоод түүнээсээ шар өнгийн шингэн бүхий томоо гэгчийн шилэн сав гаргаж ирээд шалан дээр хүчтэй гэгч нь чулууджээв Хэсэг хугацааны дараа уг тасгаар нэг гайхамшигтай үнэр ханхийх нь тэр. Гайхаж хоцорсон худалдагчид болон худалдан авагчид эхэндээ гайхашаа баран нэг нэгэн рүүгээ харж хэдэн хормын дараа <<террорист эмэгтэй>>-г бүчин асуулт тавьж эхлэв. Эмэгтэй ч асуулт бүрт хээв нэг хариулж байв. “Тиймээ энэ бол миний бүтээсэн шинэ үнэртэн. Нэр нь "Залуу насны эрч хүч". Харин намайг Эсти Лаудэр гэдэг. Та нар миний нэрийг урьд өмнө нь сонсож байгаагүй гэж үү?”

The most beautiful face in the world? It’s yours. Est[e]e lauder

Фредерик Смит Fredrick Smith

  Түүний FedEx-ийн хүргэлтийн санаа оюутан байх үед нь л орж ирсэн бөгөөд курсын ажилдаа тусгатал дунд үнэлгээ авчээ. Харин тэр шантралгүй Вьетнамын дайн эхлэхэд Йелийн их сургуулийг төгсөгч дэслэгч армид цэнхэр захтануудыг удирдаж суран, хангамж хүргэлтийн талаар жинхэнэ практик мэдлэгтэй болж үүгээрээ л зүтгэсээр өөрийн санааг хэрэгжүүлжээ.

      
         Компани агаарын ачаа тээврийн компаниудаас анхлан хүлээн авагчид ачаа, тээш нь цагтаа хүрээгүй тохиолдолд мөнгийг нь эргүүлэн олгодог журмыг мөрдөж эхэлсний дараахан зарлага Ивет Райтын ачааны машин өглөөний есөн цагт хэмхэрсэн байна. Эвдрэлийнхээ тухай диспетчертээ мэдэгдээд цагтаа сагсан бөмбөгчин байсан энэ эмэгтэй илгээмжүүдийг заасан хаягуудаар ачааныхаа машинд тэргэнцэрээр хүргэсэн гэдэг. Тэрээр компаниас хүргэлтийн эцсийн хугацаа гэж тогтоосон 11 цагаас гуравхан минутын өмнө 5 дүүргийн 27 хаягаар 122 илгээмж хүргэжээ.
        Өөр нэг зарлага болох Хэри Бокельман тус компанид ажилд орсон эхний өдрөө л ачааныхаа машинд түлш хийн, оронд нь бугуйн цагаа тайлж өгсөн гэдэг.

Сэм Уолтон Sam Walton

          
          10 зөвөлгөө
1. Бизнестээ үнэнч бай.

2. Ашгаа дэлгүүрийнхээ ажилчидтай хуваалц.

3. Өөрийн өрсөлдөгч нартаа нуугдмал байж гэнэтийн алхам хий.

4. Асуудлаа ажилчидтайгаа зөвлөлдөж бай. Зөв шийдвэр ярианы дундуур урган гарч ирдэг билээ.

5. Ажилтнуудынхаа хийж буй зүйлийг үнэлж бай.

6. Амжилтаа тэмдэглэж бай.

7. Ажилтан бүрийн саналыг хүлээж авч сур. Хамгийн шилдэг санаануудыг бид клеркүүд болон агуулахын ажилтнуудаасаа авч байлаа. Хэрэв та дэлгүүрийнхээ ажилтнуудад анхаарал, халамж тавьбал тэд ч гэсэн үйлчлүүлэгчиддээ ойртож ажиллана.

8. Үйлчлүүлэгчдийнхээ хүссэнээс илүүг санал болго.

9. Зардал хянаж бай.

10. Бизнест ер бусыг замыг сонго.

Жижиг дэлгүүрийн эзэд хэрэв өөрийн цүнхэл бий болгох юм бол “Уол-Март”-ын хажууд оршин тогтнож болно. Учир нь “Уол-Март” төрөлжсөн болхоос гүнзгийрсэн биш юм.

10 алхамын хууль: Үйлчлүүлэгч 10 алхамын зайтай ойртож ирмэг “Уол-Март”-ын бүх ажилтанууд инээмсэглэн, түүнд ямар нэг туслалцаа хэрэгтэй эсэхийг асуудаг байна.

Тэр ажилтнуудтайгаа үргэлж “Ганцхан л хаан бий. Тэр нь худалдан авагч . Тэрээр захирлаас авахуулаад ачигчийг хүртэл ажилгүй болгож чадна. Учир нь тэрбээр мөнгөө зүгээр л өөр нэг газар үрж орхино. “Уол-Март” их дэлгүүрүүд олон болох тусам бид томрохоос зайлсхийн, жижигхэн дэлгүүрийн уур амьсгал, орчинг хадгалан үлдэх ёстой” хэмээдэг байлаа.

Сэм Уолтон өөрийн анхны дэлгүүрээсээ эхлэн агуулахын өрөөнүүдээ худалдааны танхимын гаднах тойргоор байрлуулахыг хичээв. Ингэвэл тасаг бүрийн ард бараа бүхий агуулах байрлах боломжтой аж. Энгийнээр сэтгэн бодвол энэ нь барааны лангуу хүрэх замыг уртасгаж буй мэт санагдана. Гэхдээ л энэ арга нь материалын хариуцлагыг бий болгон, эрэлт хэрэгцээний өсөлтөд даруй хариу барихад дөхөмтэй байв.

Михаил Ходорковский

Тэрбээр “Сургаж болохгүй зүйлүүд гэж байдаг. Хүн ашиг өгч чадна гэдгээ, авч чадна гэдгээ нэг бол ойлгодог, эсвэл үгүй. Түүнийг зээлийн бичихэд сургах юм уу өөр бусад зүйлийг хийлгэж болно. Харин аль нэг төслийн ирээдүйтэйтэй байдлыг дүгнэж сургана гэвэл худлаа. Банкир хүн юм бүхэнд мэргэжилтэн байж чадахгүй. Хэн ч ийм байж чадахгүй. Тийм учраас тэрээр ихэнхи тохиолдолд шинжээчийн дүгнэлтэнд тулгуурлан шийдвэр гаргах болдог.” гэжээ.

Михаил “Надад өөрийн хүрээний хүмүүс байдаг. Тэд бол миний саналыг нь хүлээн авч хүндэтгэн үздэг ажилтнууд билээ. Би тэднийхээ хүндэтгэлийг олж авахыг хүсдэг. Харин өргөн олон түмэн “Энэ залуу новшийн амьтан. Гэхдээ түүний компани нь маш сайн” гэж хэлбэл л надад хангалттай.” гэж хэлсэн байдаг.

ОХУ-ын нутаг дэвсгэрт үйл ажиллагаа явуулах лицензийг гадаадын банкуудад олгохгүй байхыг Засгийн газарт зөвлөхдөө “Барууны томоохон аль ч банк өөрийн нөөцийн хэмжээг рубльд шилжүүлбэл манай улсын олж буй бүх мөнгөн орлоготой тэнцэнэ. Өөр үгээр барууны хэд хэдэн томоохон банкны санхүүгийн нөөц нь хоёр жилийн дотор ОХУ-ын санхүүгийн тогтолцоог бүрэн хяналтандаа оруулахад хангалттай юм. Үүний дараагаар тэд манай улсад юу хүссэнээ хийх боломжтой болно. Санхүүгийн тогтолцоо нь хил, арми шиг л чухал зүйл” гэжээ.

Ходорковский улс төрөөс ангид байхыг хүсдэг бөгөөд өөрийгөө зөвтгөхдөө: “Банк бол зөөгчтэй адил. Түүний үүрэг бол үйлчлүүлэгчдээ улс төрийн үзэл бодол, аль нэг эвсэлд багтдагаас үл хамааран хүндлэх явдал. Хэн нэгнээс мөнгө авах юм уу өгөөд үүнийгээ баримтжуулах нь түүний ажил юм” гэжээ.

Нэгэнтээ тэрээр “Хэрэв би биширч явдаг хүнээ сонговол “Стандарт ойл” болон Америкийн газрын тосны аж үйлдвэрлэлийг үүсгэн байгуулагч Жон Рокфеллерыг хэлэх байх. Жон Рокфеллер бизнесээ тийм ч цэвэр явуулдаггүй байв. Түүний хүү арай дөнгүүр нэгэн байсан бол ач хүү нь гайхалтай шударга хүн билээ. Тэдэнд тодорхой замыг туулахад 100 жил шаардагдсан. Харвардын нэгэн профессор намайг тэрхүү замыг хэдэн жилийн дотор туулсан гэж үздэг юм. Магадгүй би Жон, түүний хүү ач зэргийг нийлүүлсэнтэй адил хүн байх” хэлжээ.

Соичиро Хонда Soichiro Honda

Сурлагандаа тааруу байсан Соичиро ээж аавыгаа гомдоохыг хүсээгүйдээ дүнгийн жагсаалт дээр дугуйны резинэн покрышкон дээр гэр бүлийнхээ тамганы ханзыг хайчлаад дарж орхижээ. Дараа өдөр нь багш нь ханзнууд толины ойлт маягаар дарагдсан гэж инээсэглэн хэлжээ. Аав нь бүтэн өдөр өвдөг сөхрүүлэн буланд зогсоон хоол өгөөгүй бөгөөд хуурамчаар хийсэн тамганаас биш дардас, тамга хоёрын хоорондох хамаарлыг ажиглаагүйнх нь төлөө шийтгэжээ.

Тэр анх дугуйнд модон бус төмөр хигээс хийж патент авчээ.

Соичиро “Компанийн толгойд байгаа хүн бусад ажилтанд жигшмээр, ой гутам санагдахуйц үйлдлүүдийг хийхэд бэлэн байх хэрэгтэй. Эдгээр үйлдлүүдээ олон дахин хийх шаардлагагүй юм. Ганцхан удаа л хийхэд чиний удирдлаган доор байгаа хүмүүс чамайг дагах болно.” гэжээ.

Японд газрын тосны хямрал болсон бөгөөд автомашин үйлдвэрлэгчид бүтээгдэхүүн гаргалтынхаа хэмжээг бууруулан, үнээ нэмэх шийдэлд хүргэсэн байна. Гэтэл Соичиро ганцаараа түүнд хамрагдахаас татгалзан бүх юмыг эсрэгээр нь хийсэн аж. Тэрбээр үйлдвэрлэлээ 2 дахин нэмэгдүүлээд үнээ буулгав. Тэрний зөв байлаа. “Ниссан”, ”Тойота” зэрэг компаниудын борлуулалтын хэмжээ 40 хувиар унасан бол “Хонда”-гийнх 76 хувиар нэмэгджээ.

Тэрээр “Гэхдээ өөрийн хийж бүтээсэн ажлыг эргэн хараад би алдаа, эндэгдэл, хийж байснаа мэдэрдэг. Гэхдээ би ололт, амжилтаараа бахархдаг. Хэдийгээр би алдааг ар араас нь гаргаж байсан ч гэлээ миний алдаа, эндэгдэлүүд хэзээ ч нэг шалтгааны улмаас үүсч байгаагүй юм” хэмээн ярьжээ.

Соичиро компанийг үүсгэн байгуулагч нь ямар ч гарамгай хүн байх нь хамаагүй. Түүний хүү ч гэсэн тийм чадварлаг гэх баталгаа байхгүй. Удирдагчийн гайхалтай шинж чанар, арга барилтай хүнд л компанийн удирдлагыг өгөх учиртай гэж үздэг.

Олон хүн амжилтанд хүрэхийг мөрөөддөг. Харин би бол амжилт нь зөвхөн давтагдсан бүтэлгүйтэл болон өөртөө хийх дүгнэлтийн дүнд ирдэг гэж үздэг. Амжилт бол таны ажлын дөнгөж ганцхан хувь нь, харин бусад нь бүтэлгүйтлийг зоригтойгоор даван туулах явдал. Хэрэв тэдгээрээс айхгүй бол амжилт өөрөө тань дээр ирнэ.

Action without philosophy is a lethal weapon; philosophy without action is worthless.

Ховард Хьюз Howard Hughes

Хьюз компанийнхаа удирдлагыг өгөх гэсэн хүнтэйгээ долоо хоногийн турш галт тэргээр аялсан аж. Бүх замынхаа туршид Ховард ажил хэргийн талаар ганц ч үг ганхийхгүйгээ бөгөөд харин аяллаас эргэж ирэхдээ түүнд ажилд томилдогдснийг нь дуулгажээ тэр хүн ч 30 жил компанийг удирдсан гэдэг.

Үйлдвэрлэлээ алс холын, бизнесмэнүүдийн анхаарал татаагүй, татвар багатай, удирдлага нь дуулгавартай, ажиллах хүч хямдхан газарт шилжүүлэн байрлуулах нь зүйтэй гэдгийг тэр анх ажиглажээ.

Рут Хэндлэр Ruth Handler

Нэгэнтээ барби үйлдвэрлэгч нөхөр нь модныхоо хаягдлыг хаях бус тэдгээрээр тоглоомон мебель тавилга уудыг хийх болжээ.

Дэлхийн хамгийн их гүйлгээтэй 20 барааны жагсаалтанд барби ордог бөгөөд 9.99 доллараар худалдаалагддаг барбины 35 цент нь үйлдвэрлэлийн өртөг, 65 цент нь материалын үнэ, тээвэр болон удирдлагын зардалд тус бүр нэг доллар, маркетинг болон сурталчилгааны зардалд 80 цент, худалдааны тэмдэгийн эздэд олгох хөлс 40 цент, худалдааны зуучлагчид авах хувь 90 цент. Үлдсэн 4.98 долларыг Барбигийн үйлдвэрлэгч болох “Мэттэл Инк” компани цэвэр ашиг болгодог байна.

Коко Шанель Coco Chanel

Анхны синтезжүүлсэн үнэртэн “Шанель №5”-г тэр гаргажээ.

Юуны өмнө донж чухал. Моод моодноос гардаг билээ. Тэгвэл донж, хэв маяг хэзээ ч үгүй.

Ли Якокка Lee Iacocca

       Түүний аав түүнд: Нэгдүгээрт, хэзээ ч хөрөнгө их шаардах бизнест бүү ор. Яагаад гэвэл хэрэг явдал чи банкируудын гарт орсноор дуусгавар болно. Хоёрдугаарт, хүнд хэцүү цаг үе ирвэл зоогийн газрын бизнес хий. Ажил хэрэг яаж ч урагш муутай явж байсан гэлээ хүмүүс хоол идсээр л байх болно гэж хэлдэг байв гэсэн ч тэр зөвөлгөөг нь дагаагүй юм.

    1956 онд “Форд”-ын шинэ загвар жолооч нарын аюулгүй байдлыг хангах үүднээс амортизатор маягийн накладкаар тоноглогдсон аж. Үүнийг үзүүлсэн кинонд түүнийг гайхалтай уян хатан чанартай гэж байв. Хоёр давхар байшингийн өндөрөөс шидсэн өндөг түүнийг цохиод хагараогүйгээр ойж унах тийм уян гэсэн юм. Үүнийгээ батлахын тулд Ли нэг мянган хүний нүдэн дээр накладкаа тайзан дээр өрж тавиад, гартаа сагстай түүхий өндөг бариад өндөр шат өөд авиран гарчээ. Эхний өндөг байгаа оноогүй бөгөөд шалан дээр нялагдав. Хоёр дахь нь туслахын мөрөн дээр уналаа. Гурав, дөрөвдэхь нь накаладан дээр унан хагарчээ. Тавдахь өндөг сая нэг юм киноны үйл явдлыг нотолсон аж. Цугласан олон ч бахдлаа нууж чадаагүй бол Ли бэлтгэл сургуулилтгүйгээр хүмүүсийн өмнө гараад хэрэггүй гэсэн дүгнэлтэнд хүрэв.

         “56-г 56-гаар” Худалдан авагч эхлээд үнийн дүнгийн 20 хувьтай тэнцэх хэмжээний мөнгийг төлөөд дараа нь гурван жилийн туршид сар бүр 56 доллар төлөхөд энэ санааны гол учир оршиж байв.